唔知道大家係咪「電視精」？

相信上世紀80年代出世的朋友，「電視」或多或少成為陪伴童年不可或缺既「良品」。記得當年仲有好多人用電視送飯，我就係其中之一，所以到左宜家，本人對很多以往於電視機裡面既畫面，仍然記得好清楚，尢其以往好多廣告，真係好多都仲記得，不過，唔知大家仲記唔記得一D政府既宣傳片？作為小弟於本板所發既第一帖，今次先帶比大家一85年既政府交通安全廣告，請登入以下網址：

http://www.youtube.com/watch?v=m9H8P_Oc5GU

呢個廣告，唔知各位年紀有番咁上下既朋友，記唔記得呢？

個人認為，站在宣傳交通安全既拍攝手法，我認為至今仍有好大既震撼性，可以收到有效既宣傳作用，不過以現今既電視尺度，肯定會被禁播。

因為呢個廣告中被車撞既人，除左一個後生仔外，其餘有小朋友同老人家，睇到佢地被車撞既下場，唔死都係重傷。

小孩被貨車撞，後生仔被私家車剷上車頭，最後一幕老婦被車「LUCK尾」掃低，令我感到很震憾，略帶不安。

我相信，這是因為當年政府在宣傳既手法上，一直沿用英國政府「真實效果」既風格而至呢種PG級宣傳片出現。事實上，呢類政府廣告都係到回歸前幾年先慢慢消失，而政府亦轉用一種比較溫和既方式說教。

但係，以當年香港既「民智」，大家認為需要呢種廣告去宣傳嗎？

歡迎留言討論！

最後更新 : 11-09-2007 02:26

關鍵字 : PG級政府廣告

用戶平均分

   (0 投票)

顯示 2 / 2 留言