以前一踏入七月, 真係鬼死咁驚, 阿媽又話唔好貼牆行, 又話唔好出夜街, 更加唔好去游水, 因為會俾水鬼捉. 今日已係七月初一, 大家仲敢唔敢出夜街呢?

昨天看蘋果日報副刊, 大談七月十大禁忌, 特轉載如下.

另外, 我也在"香港百科"開一個條目叫:鬼節禁忌, 希望大家可以將兒時聽過的鬼節禁忌輸入. 如果你不懂用, 回覆此文也可, 我會收集好放到百科, 謝謝各位.

資料來源: 蘋果日報E5版, 2007年8月12日.
http://appledaily.atnext.com/template/apple_sub/art_main.cfm?iss_id=20070812&sec_id=38164&subsec_id=2261842&art_id=10013694



聽日就係農曆七月初一，阿媽話，呢個時候係鬼門關大開日子，切忌亂講，最好咪出夜街！以前就話靠嚇，家咁大個仔，使乜驚呀！但訪問玄學家麥玲玲師傅之後，佢亦指出農曆七月真係有好多需要避忌，盡量少做為妙。都係句：寧可信其有，不可信其無。

記者：陳國輝
攝影：伍慶泉
Model：Ricky


Top　1
忌行樓梯邊




通常住大廈人，都冇需要行樓梯返屋企，但萬一全幢冇晒電兼冇搭，咁梗係焗行啦！師傅話，樓梯位置屬於陰氣比較集中地方，如果夜麻麻又冇得揀，就盡量避免沿扶手或靠牆邊走，改由中間行，咁就可以減低遇上靈體機會。

Top　2
忌落沙灘游水

夏日炎炎，個個都鍾意去沙灘游水消暑。不過農曆七月就要小心，皆因唔少魂曾葬身於大海，傳聞話趁鬼門關大開，佢會海入面搵替身，即係做戲成日講的「鬼腳」。師傅仲話特別係夜晚最好咪落水！

Top　3
忌到墳場廟宇




逢人皆知，墳場係靈體最集中場所，但大家未必會諗到，原來平時拜神廟宇，農曆七月亦要避免踏足。師傅話，夜晚11點至第二朝早上7點，更盡可能避免出街，留番屋企，因為呢段時間係陰氣比較重時段。

Top　4
忌拉埋天窗

屋企人喜慶事情，例如結婚擺喜酒、BB擺滿月酒等都盡可能避免。

Top　5
忌搬屋

搬屋都需要揀靚日子，師傅話農曆七月唔多適合，就算遇上收樓或者租約期滿等問題，亦避免選擇踏正農曆七月十四前後五日內搬遷。

Top　6
忌坐第一排

唔係講睇電影，而係農曆七月做畀靈體欣賞大戲，俗稱「神功戲」，師傅話千祈唔好爭坐第一排，皆因早已「Reserved」。

Top　7
忌家居裝修

師傅話，農曆七月盡可能避免進行家居裝修，如果由六月份陣已經裝修緊，則可繼續。

Top　8
忌穿紅黑衣服

穿紅、黑色衣服容易招惹靈體，應要避免。師傅建議，農曆七月可穿上黃、白色衫，因略帶符色，有辟邪作用。

Top　9
忌落吧卡拉OK

一環境比較陰暗地方，例如酒吧、卡拉OK等都盡量避免唔好去，因為農曆七月容易聚集靈體。

Top　10
忌旅遊搭飛機

師傅話，農曆七月較容易發生交通意外，例如旅遊等應該避免，亦最好少搭飛機。

相關文章:

最後更新 : 15-08-2007 02:37

關鍵字 : 鬼節, 七月十四, 盂蘭節

用戶平均分

   (0 投票)

顯示 1 / 1 留言