記得上次講過「波羅油」同「忌廉溝鮮奶」，呢兩樣都係細時回憶甚深既食物之一，不過要講起來，仲有許多不得不提。

講起上黎，其實以前阿婆屋企我同「肥仔」阿哥真係去唔少，但係一講到話要留響度訓一晚的話，果時既我真係死都唔制，只因為阿哥曾經被阿婆湊過就無乜所謂，但自出世後阿媽一手一腳湊我，佢去邊我都跟住佢，導致習慣了唔可以分開，加上細個果陣本人已係個百厭星，最鐘意耍性格唔聽人講，硬要訓墊辱唔訓慣阿婆鋪地下既席，所以次次上親去訓，夜晚緊係淚流滿面喊「媽咪」……

不過到左最後，細路多數都會被逼同環境妥協，本人都唔例外，訓醒至講。

記得阿婆直到「仙遊」前都有個早起既習慣，主要係因為後生果陣家中人口眾多，所以必須於天光前買定該日要煮既送而養成，每一次當我倆兄弟到佢屋企訓，翌日天曚光時份佢總會叫醒我地裗洗出門一齊食早餐。記得果陣我緊係唔願起身，所以好多時都係阿婆硬係拖住我換衫著鞋出去。

記得舊時既屋村無論商鋪、食肆、甚至診所都會設於該座樓下，唔同宜家有商場可以將所有野集中一齊咁方便。阿婆同我地出門口後，就會一齊行上後面慈樂村27座樓下飲茶，因為每次飲完後可以順道行過隔離街巿買送。記得該茶樓老闆係「架己難」（潮州人）開既，由於慈雲山大多數街坊都係潮州籍（包括阿婆阿公），所以阿婆同街坊飲茶都會份外親切，同夥計用潮州話講野同叫野食。以前既屋村茶樓環境同宜家既好唔同，相對起來比較溫暖而安靜，以前既人，年紀大既通常細語交談，後生d既或者會睇報紙歎茶，或者食完就埋單走人，相對於宜家，有d人大聲講電話，或者聚埋講股票現況……加上周圍又有電視機聲，失落左人情同風味。

當坐低之後，阿婆緊係會叫兩盅「排骨飯」比我同肥仔食，記得個盅係用好傳統、每次總有少許崩左既瓦盅蒸飯，上台後仲係熱辣辣，蒸氣騰騰，睇個盅細細地，但d排骨卻比起宜家大粒好多。不過細時既我絕對係個挑飲挑食既人，所以永遠只會食哂排骨就算，飯就一淡都唔食，到左呢個時候阿婆緊係用我唔識聽既潮州話鬧我，然後用匙羹餵我，但我仍然死都唔食，於是佢就會無好氣咁自己食埋d飯。

回想起黎，唸落自己細個實在係個麻煩人，包括阿婆在內，佢地要湊我實在要花比一般人要多既耐性同理性，換轉要是「宜家既我」要湊番「細個既我」的話，我肯定會用周星馳響當年tvb兒童節目「黑白疆屍」裡面虐待小朋友既方法——


「吊起發仔黎打！！」

最後更新: 01-10-2007 01:55

皇后戲院百年光影明告終(明報, 2007/9/30)

有82年歷史的皇后戲院明天（10月1日）結業，一張張的手畫戲票，成為皇后留給戲迷的最佳紀念品。（余俊亮攝） 皇后戲院1995年改建成迷你戲院後，其銀幕依然寬闊，藍色皮椅座位難在新式戲院找到。（余俊亮攝） 皇后戲院一直沿用人手畫位，售票員手握那支紅筆，亦是港人的集體回憶。（余俊亮攝） 皇后戲院老員工身上懷舊味道十足的紅衣制服，提醒每名進場的觀眾，皇后見證了香港電影業的變遷。（余俊亮攝）

來源網誌： 別緻Bee

作者：Bee
文章原址: http://bgibee.mysinablog.com/index.php?op=ViewArticle&articleId=788988

今日又來跟大家「集體回憶」，去片！

這 張可不得了呀，小時候所住的大廈樓下街角，就有一家這樣的俗稱「士多」的辦館，是現代超市的雛型；有賣汽水啤酒、冰條雪糕、洋酒、水果、日用品；不過我每 次經過，先會見到門外這一列的大玻璃瓶；而這列瓶子往往是我的當日渴望。 每次跟媽媽經過，都得要邊走邊看，直止消失在視線中方才罷休。

這裡面，你又最喜歡哪一款？ 我喜歡魚皮花生、蝦子花生和橙香軟糖。

很疑惑，這家俗稱「雜貨店」即南貨店，究竟是不是我當年時常被媽媽寄存托管的一家，這樣的店子可能都是千篇一律的陳設，甚至貨架的位置。

可是一看，不期然就會回到那個時候，媽媽總是說：「妳乖乖在這裡別吵，媽很快就回來接妳。」然後，店裡的伯伯們就拿一塊冰糖，洗了洗就送我手裡。

這種麵家的廚房陳設，可能至今都沒有大變；不過，那位煮麵師傅的短袖「雞仔牌」羊毛衣，還有架上那些「長壽麵」型的大麵餅，還能告訴我們這照片的年份吧。

最後更新: 01-10-2007 00:25

小時候, 我們大部分人都有集郵的嗜好, 或多或少, 是因為老師教或逼的......

當年, 不知是何年了, 我有這兩張關於中秋花燈的郵票, 非常喜歡.

但我屋企人嫌貴, 死都唔買齊一套俾我, 所以, 遺憾地, 我只得兩張.

今日再看, 勾起很多童年時的回憶, 特別是中秋的回憶.

仍然覺得這兩張郵票很美. 還可以見到皇冠標誌!

最後更新: 29-09-2007 15:44

呢段片超正, 是由網 民「何柏存」和「梁路加」改編填詞和主唱的《 超合金魂》. 老實講, 詞同唱功都麻麻, 但勝在夠懷舊, 短短兩分幾鐘的mtv,你幾乎看齊兒時的經典卡通機械人, 高達, 六神合體, 鐵甲萬能俠, 黃金戰士等.., 全部都會出場, 乃男孩子不容錯過的經典回憶片:

最後更新: 29-09-2007 13:34