細個邊個未踼過西瓜波?

這種像個西瓜皮的波, 到今日依然有得玩, 實在是長青的玩意.

最後更新: 05-10-2007 11:31

最近有好多人因為皇后戲院停業，而專誠走去睇最後一場，愐懷一番。

不過，香港傳統戲院並未因此而消失，如果大家想睇番以前所謂既「大戲院」格局，不彷一去旺角豪華戲院，因為佢應該仍然保留全港最大間、座位最多戲院既紀錄，有意回憶一下以前買飛坐頭、中、後、超座睇戲既朋友，實在不容錯過。

響電影巿道最光輝既時代，戲院坐位愈多代表上映賣座影片時收入愈好，賣座更佳，係賺錢既保證；「麗宮」、「碧麗宮」、「利舞台」、「總統」、「麗聲」呢d大間戲院就係例子，當年「豪華」都唔例外，雖然開業只得16年歷史，但佢的確係響電影事業最輝煌時期開業，係當年「首輪戲院」之一，記得好多前輩講過，旺角「百老匯」同「朗豪坊」呢類迷你影院方興未艾之時，呢種座位多既戲院的確受人歡迎，好多時要排隊排好耐先買到飛。不過，正如剛才所講，「迷你影院」既誕生、電影巿道衰退，加上位置唔就腳、設備十年如一日，競爭力自然不如新型戲院，導致現時「豪華」已幾近成被遺忘狀態，門堪羅雀，水靜河飛。

不過，「豪華」直到現時仍然繼續經營，而且好多首輪中外影片都有響呢度上畫，當然，宜家仲多了「100蚊睇到笑」果類電影有得睇。設備係老左d，而且職員大多都係懶懶閒為主，基本上你做乜野都唔會有人理，對上幾個月本人就去「豪華」睇左一次戲，係可以同班fd一邊睇戲一邊食煙，實在好free，但係戲院帶位不但唔理你，甚至會同你食埋一份。

錯過「皇后」既朋友，如果有心想回顧昔日傳統戲院既風貌，「豪華」實在值得大家選擇！最好就係揀d恐佈絕輪如「1408」呢類西片就最好啦，因為無乜觀眾以外，最重要既係戲院內那種老舊而帶有少許「栗味」既感覺，應該可以增加恐佈感…記住，要去好快啦，唔係到時果塊地又想起新樓，咁就大遲了。

地址. 九龍旺角道4號. 電話. 23990363

最後更新: 03-10-2007 02:39

昨天我這個閒人又去了看皇后戲院條屍, 也讓大家驗驗皇后條屍.

最後更新: 02-10-2007 20:29

奇怪「香港誌」這裡竟然沒有記載「福佳始終有您」呢首傳誦一時既改板歌，呢個其實都係代表香港文化之一，是一個時代既見證嘛！

自從呢首歌出街之後，有時候行街聽見某d活動進行緊果陣播「始終有您」，側邊肯定會隱約聽見有人改唱「福佳」；甚至昨日國慶煙花匯演進行期間，身邊竟然有一大堆人和唱「福佳始終有您」…證明呢首歌既出名度比起原板既還要強！亦都證實了一樣野，有時候靠歌舞去粉飾太平會引起反效果。

我再次強調，大家先唔好用「政治性」去睇呢首歌，其實都係反映某部份香港人既政治取向，不過裡面有好多人身攻擊既字眼，係絕對唔應該學習同效法。

http://evchk.wikia.com/wiki/%E7%A6%8F%E4%BD%B3%E5%A7%8B%E7%B5%82%E6%9C%89%E4%BD%A0

最後更新: 02-10-2007 16:46

82年歷史　重建商廈　皇后戲院落幕
市民爭相觀看最後一場戲(蘋果日報, 2007/10/1)

【本報訊】普慶、倫敦、新港、樂宮、大華、華盛頓陸續遠去，在這個網上購票的年代，提供特大座椅、手劃戲票、超等座位的皇后戲院，昨日最後一天營業。不少巿民湧到這家有82年歷史的戲院趕買最後一場戲票，接近12時，戲院大門穩穩關上，戲院所在的陸海通大廈亦即將重建。　記者：白琳

最後更新: 02-10-2007 01:39