八十年代Break Dance 既興起, d Break Dance 友要帶埋HiFi 去表演舞技，形成焚機熱潮, 手提音響亦越出越大聲，由50W PMPO, 去到100W、200W 都有，當時擁有一部777 或小露寶呢d大聲公是很多中學生的夢想，係沙灘開在佢d cassette 機仔真係收得工。



個時唔知點解噪到拆天都無人投訴，隔離鄰舍最興開大門口播放流行曲"焚"機，耐唔耐還會互相鬥焚，當時最與播愛情陷阱、Monica、夢幻的擁抱 (careless whisper) 、Checkers.. 加埋各種混音版，勁回味呀！

還記得個時家裡無HiFi，搵在部單喇叭手提cassette 機仔對住窗口學人"焚" 歌，跟住走上對面山睇下夠唔夠噪，勁無聊！ 哈哈！

最後更新: 16-10-2007 14:38

細個時小學我是讀下午班的，有時返學校前會到慈雲山48座的小版檔買o野食, 唔知大家記仲記唔記得有一檔老伯伯是買糖膠公仔？即近似現在的麵粉公仔，只是無咁細緻，但糖膠公仔除了外形吸引外還可以食落肚，所以有一段時間在電視看到有人在吹捧麵粉公仔的傳統覺得不以為然。

此糖膠公仔檔還有一樣至今未再見過的絕技，「用糖膠做吹氣球」，而吹管是由糖膠拉長而成，吹管外形幼幼長長看似竹簽內裡竟是通空的。老伯伯還會預備一個小鐵圈，只要小朋友把「糖膠氣球」吹得大過小鐵圈便會獎賞多一個，小朋友時常把老伯伯團團圍著大家都看得很開心，未知老伯伯還健在嗎？

最後更新: 16-10-2007 14:37

慈雲山48座近聖鮑思高(在鐵皮屋出邊)的魚肉麵堪稱全慈雲山最好食的魚肉麵, 價錢好似係四、五毫子，做法跟今天一樣把放在碟上的魚肉用刀很快地打落湯中，每條魚肉打得好幼細，而且即叫即做，滾既時間又控制得好, 所以做出來每條魚肉都好滑好好食, 跟現在的粗制濫做預先做定完全無得比, 最正的是他們自制的辣椒粉，加落魚肉或魚肉麵裡, 既香又辣又唔會遮蓋魚肉的原味，現在想起都口水直流！

順便一提，現在車仔麵檔常見的油麵我亦是在這裡首次見到，但我並不喜用它來配搭車仔麵。

有段時候這魚肉麵檔在48座消失，曾失落了一陣子，之後重建前兩三年又神奇地在我43座樓下的鐵皮屋中出現，每次開檔都非常受歡迎圍滿了人，再之後43座重建就再也不知這魚肉麵檔的去向了。

最後更新: 16-10-2007 14:35

有關「金茂坪」既傳聞同資料，相信大家係網上都睇過好多，如果你地以前住過秀茂坪或者附近地區的話，唔知你地細個果陣有無去過呢間戲院睇戲？

曾幾何時，好似金茂坪呢種小型戲院響七、八十年代因為港產片興盛既關係，曾經受不少住響附近居民歡迎，而呢種小型落戶於屋村地區既戲院，當時都係開到成行成巿，可惜踏入九十年代，香港人既娛樂方式多了選擇、港產片水準有所下降、加上不少地區重建，導致呢種小型戲院生意漸漸下降，幾年以內，大部份小型戲院一間又一間結業，然後重建或者改為教會同老人院。

金茂坪的結束有好多原因，例如觀眾對戲院既要求提高、港產片風光不再、附近屋邨重建引致人口下降……等等。

自從結業後，金茂坪並無用作其他用途之餘，還一直保持著戲院既面貌直到2007年既今日。所以，佢既傳聞一直都有好多，有話戲院曾經發生火警死過好多人、亦有話1972年山泥傾瀉後怨魂不斷作崇並成為「陰宅」，令發展商唔敢清拆重建等等…睇黎，真相或者只有發展商遠東機構先知。

呢度就係「金茂坪戲院」既糖果部，旁邊見到好多屬於以前戲院既座位，自戲院結業後座位就一堆一堆咁放響度。

呢度係戲院往日既售票大堂。

最後更新: 12-10-2007 22:11

馬會撥18億　活化古蹟變新地標
中區警署建竹棚形巨廈 (蘋果日報, 2007/10/12)

【本報訊】有146年歷史的法定古蹟荷李活道中區警署建築群，五年後變身為集古物建築、文化藝術及旅遊消閒的香港新地標。馬會計劃豪花18億元活化中區警 署建築群，除保存原貌外，又加建一座高逾160米竹棚形的文化藝術大樓，但活化後新建築群的商用面積卻高達54%。政府原則上接納計劃，關注保育人士批評 政府黑箱作業，容許馬會在古蹟群中加建龐然大物。記者盧文烈

'); else document.writeln("

最後更新: 12-10-2007 10:55